Hayagreeva Stuthi

|| ಹಯಗ್ರೀವಸ್ತುತಿಃ ||

ಲಸದಾಸ್ಯ ಹಯಗ್ರೀವ ಲಸದೋಷ್ಠದ್ವಯಾರುಣ |
ಲಸದ್ದಂತಾವಲೀಶೋಭ ಹಯಗ್ರೀವ ಲಸತ್ಸ್ಮಿತ || 1 ||
ಲಸತ್ಫಾಲ ಹಯಗ್ರೀವ ಲಸತ್ಕುಂತಲಮಸ್ತಕ |
ಲಸತ್ಕರ್ಣ ಹಯಗ್ರೀವ ಲಸನ್ನಯನಪಂಕಜ || 2 ||
ಲಸದ್ವೀಕ್ಷ ಹಯಗ್ರೀವ ಲಸದ್ಭ್ರೂಮಂಡಲದ್ವಯ |
ಲಸದ್ಗ್ರೀವ ಹಯಗ್ರೀವ ಲಸದ್ಧಸ್ತ ಲಸದ್ಭುಜ || 3 ||
ಲಸತ್ಪಾರ್ಶ್ವ ಲಸತ್ಪೃಷ್ಠ ಕಕ್ಷಾಂಸಯುಗ ಸುಂದರ |
ಹಯಗ್ರೀವ ಲಸದ್ವಕ್ಷಃಸ್ತನಮಧ್ಯ ವಲಿತ್ರಯ || 4 ||
ಹಯಗ್ರೀವ ಲಸತ್ಕುಕ್ಷೇ ಲಸದ್ರೋಮಲತಾಂಚಿತ |
ಹಯಗ್ರೀವ ಲಸನ್ನಾಭೇ ಲಸತ್ಕಟಿಯುಗಾಂತರ || 5 ||
ಲಸದೂರೋ ಹಯಗ್ರೀವ ಲಸಜ್ಜಾನುಯುಗಪ್ರಭ |
ಹಯಗ್ರೀವ ಲಸಜ್ಜಂಘಾಯುಗ್ಮ ಪಾದಾಂಬುಜದ್ವಯ || 6 ||
ಹಯಗ್ರೀವ ಲಸತ್ಪಾದತಲರೇಖಾರುಣದ್ಯುತೇ |
ಲಸನ್ನಖಾಂಗುಲೀಶೋಭ ಹಯಗ್ರೀವಾತಿಸುಂದರ || 7 ||
ಲಸತ್ಕಿರೀಟಕೇಯೂರಕಂಕಣಾಂಗದಕುಂಡಲ |
ಹಯಗ್ರೀವ ಲಸದ್ರತ್ನಹಾರಕೌಸ್ತುಭಮಂಡನ || 8 ||
ಹಯಗ್ರೀವ ಲಸನ್ಮಧ್ಯ ಲಸಚ್ಚಂದನಚರ್ಚಿತ |
ಲಸದ್ರತ್ನಮಯಾಕಲ್ಪ ಶ್ರೀವತ್ಸಕೃತಭೂಷಣ || 9 ||
ಹಯಗ್ರೀವ ಲಸತ್ಕಾಂಚೀರತ್ನಕಿಂಕಿಣಿಮೇಖಲ |
ಹಯಗ್ರೀವ ಲಸದ್ವಸ್ತ್ರ ಮಣಿನೂಪುರಮಂಡಿತ || 10 ||
ಹಯಗ್ರೀವೇಂದುಬಿಂಬಸ್ಥ ಲಸಚ್ಛಂಖಾಕ್ಷಪುಸ್ತಕ |
ಲಸನ್ಮುದ್ರ ಹಯಗ್ರೀವ ಲಸದಿಂದುಸಮದ್ಯುತೇ || 11 ||
ಹಯಗ್ರೀವ ರಮಾಹಸ್ತರತ್ನಕುಂಭಸ್ಮೃತಾಮೃತ |
ಹಯಗ್ರೀವ ಸಮಾನಶ್ರೀಚತೂರೂಪೆÇೀಪಸೇವಿತ || 12 ||
ಹಯಗ್ರೀವ ಸುರಶ್ರೇಷ್ಠ ಹಯಗ್ರೀವ ಸುರಪ್ರಿಯ |
ಹಯಗ್ರೀವ ಸುರಾರಾಧ್ಯ ಜಯ ಶಿಷ್ಟ ಜಯೇಷ್ಟದ || 13 ||
ಹಯಗ್ರೀವ ಮಹಾವೀರ್ಯ ಹಯಗ್ರೀವ ಮಹಾಬಲ |
ಹಯಗ್ರೀವ ಮಹಾಧೈರ್ಯ ಜಯ ದುಷ್ಟವಿನಷ್ಟಿದ || 14 ||
ಭಯಂ ಮೃತ್ಯುಂ ಕ್ಷಯಂ ವ್ಯರ್ಥವ್ಯಯಂ ನಾನಾಮಯಂ ಚ ಮೇ |
ಹರೇ ಸಂಹರ ದೈತ್ಯಾರೇ ಹರೇ ನರಹರೇ ಯಥಾ || 15 ||
ಭಕ್ತಿಂ ಶಕ್ತಿಂ ವಿರಕ್ತಿಂ ಚ ಭುಕ್ತಿಂ ಮುಕ್ತಿಂ ಚ ಯುಕ್ತಿದ |
ಹರೇ ಮೇ ದೇಹಿ ದೈತ್ಯಾರೇ ಹರೇ ನರಹರೇ ಯಥಾ || 16 ||
ಸದಾ ಸರ್ವೇಷ್ಟಲಾಭಾಯ ಸರ್ವಾನಿಷ್ಟನಿವೃತ್ತಯೇ |
ಹಯಗ್ರೀವಸ್ತುತಿಃ ಪಾಠ್ಯಾ ವಾದಿರಾಜಯತೀರಿತಾ || 17 ||
ಚಿಂತಾಮಣಿರ್ಹಯಗ್ರೀವೋ ವಶೇ ಯಸ್ಯ ನಿμÉೀವಿತಃ |
ಸೋಪಿ ಸರ್ವಾರ್ಥದೋ ನñಣಾಂ ಕಿಮುತಾಸೌ ಹಯಾನನಃ || 18 ||
|| ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಚಿತಾ ಹಯಗ್ರೀವಸ್ತುತಿಃ
ಸಂಪೂರ್ಣಾ ||